Corpus of Electronic Texts Edition
Togail Bruidne Da Derga (Author: Unknown)

section 70


629] ‘Maith trá’, or Ingcél frisna h-eólchu, ‘cid as
630] neasom dún sund?’
631] ‘Ní anse. Bruiden h-Ui Dá Dergae, rígbrugaid
632] h-Érenn’.
633] ‘Batar dóichi ém fir maithi do saigid a chéle don
634] bruidin sin innocht’.
635] ‘Ba sí comairli na n-díbergach íarum nech úaidib
636] do déicsin dús cindus ro-m-both and ’.
637] ‘Cía ragas do déicsin in tigi?’
638] ‘Cía no ragad ’, or Ingcél, ‘acht mad meisi? h-Úairi
639] is mé dliges fíachu’.