Corpus of Electronic Texts Edition
Togail Bruidne Da Derga (Author: Unknown)

section 38


344] Is ed ro gob Conaire cona slúagaib da Áth
345] Clíath
. Is ann dosn-árraid in fear maeldub co
346] n-oensúil & oenláim & oenchois. Mael garb for suidiu.
347] Cía fo-certa míach di fíadublaib for a mullach ní
348] foíchred uball for lár, acht ro gíulad cach uball díb
349] for a findiu. Ó fo-certa a srúb ar géscoe ima-tairisfeadh
350] doib. Sithremir cuing n-imeachtair ceachtair
351] a dá lurgan. Mét mulaig for got cech meall do
352] mellaib a dromai. Gaballorg iairn ina láim. Muc
353] mael gearr dub dóiti for a muin & sí oc síréighim, &
354] ben bélmar már dub duabais dochraid ina diaid.
355] Cía fo-certa didiu a s-srúb ar gésce fo-lilsad. Tacmaicead
356] a bél íchtarach co a glún.