Corpus of Electronic Texts Edition
Serglige Con Culainn (Author: Unknown)

section 45


760] Iar sin ro fallsiged do Manandán aní sin .i. Fand ingen
761] Áeda Abrat do bith i n-écomlund ic mnáib Ulad, & a bith coa
762] lécud do Choin Chulaind. Tánic íarom Manannán anair do
763] shaigid na h-ingini, & ro boí ina fíadnaise, & níro ráthaig nech
764] díb aní sin acht Fand a h-óenur. Ocus is and sin ro gab etere
765] móir & drochmenmain in n-ingin oc fégad Manandán & dorigni
766] laíd:

    1. 767] ‘Fégaid mac láechraidi Lir
      768] ‘do maigib Éogain Inbir:’
      769] ‘Manannán úas domun dind’
      770] ‘ro boí tan rop inmain lim.’

    2. p.27

    3. 771] ‘Mád indíu bá dígrais núall,’
      772] ‘ní charand mo menma múad:’
      773] ‘is éraise in rét int sherc:’
      774] ‘téit a h-éol cen immitecht.’
    4. 775] ‘Lá ro bása & mac Lir
      776] ‘h-i n-gríanán Dúni Inbir,’
      777] ‘ropo dóig lind cen anad’
      778] ‘noco bíad ar n-imscarad.’
    5. 779] ‘Dánam thuc Manannán mass’
      780] ‘robam céle comadas:’
      781] ‘noco bérad orm ria lind’
      782] ‘cluchi eráil ar fhidchill.’
    6. 783] ‘Dánam thuc Manandan mass’
      784] ‘robam céle comadas:’
      785] ‘dornasc d' ór aromthá’
      786] ‘thuc dam i l-lúag m' imdergthá.’
    7. 787] ‘Baí acum dar fráech immach’
      788] ‘cóeca ingen illdathach:’
      789] ‘doratus dó cóecait fer’
      790] ‘centar in chóecat ingen.’
    8. 791] ‘Cethra cóecait cen miri’
      792] ‘iss é lucht inn óentigi,’
      793] ‘dá chóecait fher sónmech slán,’
      794] ‘dá chóecait ban find follán.’
    9. 795] ‘Atchíu dar in muir i l-le—’
      796] ‘nín acend nach meraige—’
      797] ‘marcach in mara mongaig:’
      798] ‘ní lenand do shithlongaib.’

    10. p.28

    11. 799] ‘T' imthecht seochainni co se’
      800] ‘ní acend acht sídaige:’
      801] ‘máraid do chíall cech slúag séim,’
      802] ‘cía beit úait i n-etercéin.’
    12. 803] ‘Mad messe bá dethbir dam,’
      804] ‘dáig at báetha cíalla ban:’
      805] ‘intí ro charus co h-oll’
      806] ‘domrat sund i n-écomlond.’
    13. 807] ‘Celebrad dit, a Chú chain!’
      808] ‘Aso sind úait co sochraid.’
      809] ‘Cén co tísam dúthracht lind:’
      810] ‘is ard cech recht co h-imchim.’
    14. 811] ‘Érge seo mithig damsa:’
      812] ‘atá nech risnid andsa1:’
      813] ‘is mór in tóchosol trá,’
      814] ‘a Laíg, a meic Ríangabrá.’
    15. 815] ‘Ragat rim chéli fodéin,’
      816] ‘dáig noco dingnea m' amréir:’
      817] ‘nár apraid is céim i cleith:’
      818] ‘mád álic dúibsi fégaid.’

      fégaid.