Corpus of Electronic Texts Edition
Serglige Con Culainn (Author: Unknown)

section 36


588] Dossennat int shlúaig íarom conná fúair ined léo is tír.
589] Dotháet Eochaid Íuil íarom do inlut a lám don tiprait matain
590] moch. Atchonnairc Cú Chulaind íarom a gúalaind tresin cochull.


p.21


591] Doléci gaí dó co luid trít. Ro marb tríar for tríchait díb a óenur.
592] Tofobairt iar sin Senach Síabortha, & ferait mórgléo, & marbthus
593] Cú Chulaind íarom. Tic Labraid íarom & mebais ríam
594] forsna slógu. Ro gáid Labraid dó anad dind imguin. ‘Atágamar
595] trá,’ for Lóeg, ‘in fer d' imbirt a fherci fornd úair nách lór leis
596] di chath fúair. Tíagar,’ for Lóeg, ‘& inliter téora dabcha
597] úarusci do dibdúd a brotha.’ In chétna dabach i tét fichid
598] tairse. In dabach tánaise nís fodaim nech ara tes. In tres dabach
599] is comse a tes.