577] Luid Cú Chulaind lee íarom is tír, & bert a charpat les
578]
co ráncatár in n-insi. Feraid Labraid fáelti fríu, & fersi in
579]
bantrocht uli, & ferais Fand dano fáelti sinredaig fri Coin
580]
Culaind. ‘Cid dogéntar sund h-ifechtsa?’ ol Cú Chulaind. ‘Ní
581]
h-andsa,’ or Labraid. ‘Iss ed dogénam regmai coro lám cor imón
582]
slúag.’ Tíagait ass íarom co ráncatar tor na slúag, & co rolsat
583]
súil tairsiu. Ocus bá dírim léo in slúag. ‘Eirg ass h-ifechtsa,’ ol
584]
Cú Chulaind fri Labraid. Luid Labraid ass íarom & anais Cú
585]
Chulaind ocont shlóg. Fanócrat in dá fhíach druiídechta dogénsat
586]
int shlúaig. ‘Is dóig,’ ol in slúag, ‘in ríastartha a h-Érind iss ed
587]
terchanait ind fhíaich.’