Corpus of Electronic Texts Edition
Serglige Con Culainn (Author: Unknown)

section 23


246] Is amlaid dogníthe in tarbfhes sin .i. tarb find do marbad
247] & óenfher do chathim a shátha dia eóil & dá enbruthi, & chotlud
248] dó fón sáith sin, & ór fírindi do chantain do chethri drúdib fair,
249] & atchíthe dó i n-aslingi innas ind fhir no rígfaide and asa deilb
250] & asa thúarascbáil & innas ind oprid dogníth. Díuchtrais in
251] fer asa chotlud, & adfíadar a res dona rígaib .i. móethócláech
252] sáer sonairt co n-dá chris derca tairis & sé ós adart fhir i sirc i
253] n-Emain Macha.