Corpus of Electronic Texts Edition
Serglige Con Culainn (Author: Unknown)

section 21


233] (Baí dano terchomrac oc cethri ollchóecedaib h-Érend ind
234] inbaid sin, dús in faigbitis nech bad toga léo dia tibértis rígi
235] n-Érend. Úair bá h-olc léo tilach airechais & tigernais h-Érend
236] .i. Temair, a bith cen rechtgi ríg furri, & bá olc léo na túatha
237] cen smacht ríg oc cocertad a cotrebi. Ár bátar fir h-Érend cen
238] smacht ríg forro fri ré secht m-blíadna iar n-díth Chonaire i
239] m-Brudin Dá Derca cussin mórdáil sin cethri cóiced n-Érend
240] h-i Temraig na ríg h-i tig Erc meic Corpri Níad Fer.