Corpus of Electronic Texts Edition
Táin Bó Fraích (Author: Unknown)
section 23
285]
Dobert íarum ind inailt in méis issa rígthech, & int
p.12
286]
éicne fonaithe fuirre, is é fuillechta fo mil. Dogníth lassin
287]
ingin co maith, & boí ind ordnasc óir forsind éicni anúas.
288]
Dosféccai Ailill & Medb. Dalei co ndercar, ar Fráech, &
289]
doéccai a bossán. Indar lemm is la teist forácbus mo
290]
chriss, ol Fráech. For fír do flatha, ol Fráech, apair cid
291]
dernais dind ordnaisc. Ní chéltar orut ón, ol Ailill.
292]
Lemsa ind ordnasc ro baí it bossán, & rofetar is Findabair
293]
dorat duit. Is airi ro lása issin duiblinni. For fír th'ainich
294]
& t'anma, a Fróeich, asndíth cía cruth arrálad a tabairt
295]
ass. Ní céltar fortsu, ol Fráech. A cétlá fosfúarsa ind
296]
ordnaisc i ndorus ind liss. Rofetar ropu sét cáeim. Is
297]
airi dosroisechtsa co lléir im bossán. Rotchúalasa
a lláa
298]
dochoad dond uisciu, ind ingen roda láa immach oco
299]
íarmóracht. Asbiurtsa frie: Cía lóg rom bia latt ara
300]
fagbáil? Asbertsi frimsa dombérad seirc mblíadnae
301]
damsa. Ecmaing nís ragbusa immum. Fosrácbus im
302]
thaig dim éis. Ní comairnecmarni co comairnecmar oc
303]
tabairt in chlaidib issind abaind im láimse. Íar sin
304]
atchondarcsa in tan ron oslaicsiu in mbossán & ro lláis
305]
ind ordnaisc issin uisce. Atchonnarc in n-éicne dorróebblaing
306]
ara chind conid gab inna béolu. Ro ngabusa in
307]
n-éicni íarum. Cotnócbus issin port. Darolus i lláim na
308]
hingine. Is hé int éicne sin íarum fil forsin méis.