Corpus of Electronic Texts Edition
Táin Bó Fraích (Author: Unknown)

section 17


194] ‘Na tair!’ ol Ailill, ‘co tuca chroíb dam din chaírthend
195] tall fil i mbruuch na haband. It áildi limm a cháera.’
196] Téitsium ass íarum, & brissis gésca din chrund & dambeir
197] ria aiss tarsin n-uisci. Ba hed íarum athesc Findabrach,
198] nach álaind atchíd, ba háildiu lee Fróech do acsin tar
199] dublind, in corp do rogili & in folt do roáilli, ind aiged do
200] chumtachtai, int súil do roglassi, iss hé móethóclach cen
201] locht cen anim, co n-agaid focháel forlethain, is é díriuch
202] dianim, in chráeb cosna cáeraib dergaib eter in mbrágit &
203] in n-agid ngil. Iss ed atbered Findabair, nocon facca ní
204] rosáissed leth nó trían do chruth.