Corpus of Electronic Texts Edition

Táin Bó Regamon (Author: Unknown)

section 7

7

Ní baí in ríg Ragaman⁵⁸ and in lá sin. Is and baí a crích Corco Baiscinn
50] i n-dáil fri Firu Bolg. Éigthir fon túaith dia n-éis. Fo-sagar do Ragaman in scél. Luid side for a n-íarair cona slóg. Do-roich in tóir uili for Maine Mórgar, ocus gabsad comach éccomlaind for suidiu. ‘Do-thegmaid didiu uili a n-áen inad,’ for Maine, ‘ocus agar nech úaidib cusna bú ar ceand na n-ócc; ocus agat na hingena na bú forsin n-áth co Crúachnaib; ocus aisnéidet do Ailill ocus do
55] Meidb an écomlonn a filim sund.’ Ro-soiched na h-ingena co Crúachain, ocus ad-fíadad scéla uile. ‘Ro-gabad,’ ar síad, ‘fort maccaib-siu oc Áth Briuin ocus as-bertadar techt na fóirithin.’