Corpus of Electronic Texts Edition

Táin Bó Regamon (Author: Unknown)

section 6

6

Do-tíagad na secht n-ingena cusin tibraid. Feraid fáilti fria⁵⁴ Maine. ‘Taít as,’ ar sé, ‘ocus tucaid bar ceitri lib-si. Bid maith ón sin. Fob-sisimar-ni for ar n-eneach, ocus for ar snádhadh,’ ar sé. ‘A ingena Regomun,’ ar na h-óicc. Do-immargid na h-ingena a m-bú ocus a muccu ocus a curchu arná raib
45] ráthugud⁵⁵ foraib. Do-sethet íarum co ráncadar costad a chéle.⁵⁶ Feraid na h-ingena fáilti fria⁵⁷ macco Ailella ocus Medba ocus ima-sisedar dóib. ‘Randtar in almu sa i ndé,’ ar Maine Mórgar, ‘ocus in slóg, is romór for áen-cháe uile íad; ocus comraicium i n-Áth Briuin.’ Do-gníther samlaid.