Téit Maine Mingar tríur co comarnaic fri téora ingenaib45 díb ocin
25]
tibraid. Do-fúaslaiced claidbiu dóib fo cétóir. ‘Anmain i n-anmain,’ ar inn ingen.46 ‘Tabair mo trí-lánfocull dam-sa,’ ar Maine. ‘Amal no n-aseca do thenga rod-bia acht beatha,’ ar an ingen, ‘ar ní cumgam-ni h-éside dáib.’ ‘Is la sodhain,’ ar Maine, ‘cech i m-bem.’47 ‘Cia thúsu?’ ar sísi. ‘Maine Mingar mac48 Ailella ocus Medba,’ ar sé. ‘Fo chen ón,’ ar sí. ‘Cid nod-bar-tuc isin crích?’ ar
30]
sí. ‘Do breth bó ocus49’ ar Maine. ‘Is cóir a m-breith imalle,’ ar sí. ‘Adágar ní bus urthidir, aní ad-fíadar; ad maithi ina hóicc cosa tángid-si.’ ‘Bad lind beith for n-itgi-si,’ or sé. ‘At-gégmais chitus mád íar menmannrad con-étsimis.’ ‘Cia bar lín?’ ar sí. ‘Secht fichit láech,’ ar sé, ‘dún sunn.’ ‘Anaid sund,’ ar sí, ‘co n-árladhamar50 na h-ingena aile.’ ‘Fob-sisimar-ni,’ ar na
35]
h-ingina, ‘nach cumang con-ísamar.’