Corpus of Electronic Texts Edition

Táin Bó Regamon (Author: Unknown)

section 1

1

Láech-brugaid amra ro-baí³³ la Connachtaib i n-aimsir Ailella ocus Medba, Regamon a ainm. Alma imda lais do cheithrib cáem, cadhla³⁴ uile. Bádar immurgu secht n-ingena lais. Ro-charsad side secht maccu ocus Ailella ocus Medba³⁵ .i. na secht Maine .i. Maine Mórgar ocus Maine Mingar ocus Maine
5] Aithremail ocus Maine Máthremail ocus Maine Milbél ocus Maine Annai ocus Maine Móepert ocus Maine Condageb³⁶ -uile ocus is é side tuc cruth a máthar ocus a athar ocus a n-ordan díblínaib. It é secht n-ingena Regomon .i. téora Dunana³⁷ ocus cethéora Dunmeda ocus is dia n-anmandaib atá Inber n- Dunand i n-íarthar Connacht ocus Áth na n-Dumed i m-Bréfni.