Co comarnaicter frisna téora h-ingenuib i n-dorus in dúni. Dus-forsailgsit claidmi dóib fo cétóir. ‘Anmuin hi n-anmuin,’ ol na h-ingena. ‘Tabraid13 ar nd-trí-drinnrusc douin-ni,’ ol ind ócc.14 ‘Rob-bia,’ ol in tríar ingen, ‘acht níp innili, ar ní cumcum-ni dúib.’ ‘Is la suidi ém cich i n-dingnem,’15 ol Mane. ‘Coich sib-si?’ ol ind ingen. ‘Mani Gor mac Ailella ocus Medba.’ ‘Cid
25]
do-bar-hucco issin tír-si?’ ol inn ingen. ‘Do brith bó ocus ingen,’ ol sé. ‘Is amluit,16 is comaduis a m-brith,’ ol in ingen. ‘Ad-ágar namrugaid,’17 ol sí, ‘atát óicc maithe ar bur ciunn.’ ‘Bíth for n-itgi-si linn ocus dos-fuccfom,’ ol sé. ‘Ba dútracht linn éim,’ ol sí, ‘mad íar menmannuib conn-étsimis,’ ol sí. ‘Cia for lin?’ or sí. ‘Secht fichit láech,’ ol séisium. ‘Anuith sunn gen conn-árladamair-ni
30]
na h-ingeno aili,’ol sí. ‘Fob-sisimair-ne ém,’ ol in ingen, ‘in mét con-mesamar.’