Corpus of Electronic Texts Edition
The Fate of the Cildren of Lir (Author: Unknown)

section 67

Is ann sin a dúbhairt Fionnghuala: ‘Tar d'ar m-baisdeadh a chléirigh, oir is gairid uainn dul do'n éag; agus is dearbh nách measa leatsa dealúghadh linne; na linne, dealúghadh leatsa, agus déan ar n-adhlacadh as a h-aithle, agus cuir Conn dom' leith dheas, agus Fiachra dom' leith chle, agus Aodh do leith m'aíghthe;’ agus a dúbhairt an laoidh: —

    Fionnghuala

    1. Tar d'ar m-baisteadh a chléirigh,
      Gabh umat agus éirigh,
      Glan dinn ar n-iomad smáil,
      'Sar g-cionta uile, a chompáin.

      2. p.

    2. Guidh-si Dia do dhealbh neamh,
      Go d-tigh leatsa ar m-baisteadh;
      Gurab luchtmhar ar n-uaigh,
      'Sar m-buinn re h-altóir aonuair.
    3. As amhlaidh órdaighim an uaigh,
      Fiachra, is Conn for mo dhá thaobh,
      Am ucht, idir mo dhá láimh,
      A chléirigh cháidh cuir Aodh.
    4. O Mochaomhóg an ghlóir ghlic,
      Sgarthainn ribh cia doiligh liom,
      Déan go h-éasgaidh an uaigh,
      Imthigh go luath is tar a n-am.