Corpus of Electronic Texts Edition
Tochmarc Étaíne (Author: [unknown])

version 2

Tochmarc Edaine and seo beos

{YBL column 990}

¶1] Gabais Eochaidh Airium rigi nErenn.59 Airgiallsat coic coicidh Erenn do &60 ri cach coicidh. Batar hé a righ an tan sin .i. Concobar mac Nesa & Mes Geghra61 & Tigernach Tédbandach & Cu Rui & Ailill mac Mata Muirisci. Batar eat duine Echdach .i. Dun Fremand a Midiu & Dun Fremand a Teathbai. Fremand Thethbai ba hinmaine lais do duinib Erenn.

¶2] Airfoccarar o Eochaid for firu Ereenn feis Temra do denum an bliadain iar ngabail righi fri comus a mbesa & a císa doib co ceann .u.62 mbliadna. Ba hinand aithesc63 la firu Erenn fri hEochaid. Ni theclomdais feis Temra do rig cen rigain lais, ar ni raibi rigan i fail Echach an tan do gab flaithius. Faidis Eochaid techta cach coicidh uadh fa Erinn do chuindchid mna


p.164

vel ingine bad aildeam no beith a nEre do. Al asbert ní biad ina fharradh acht bean nad fesad fer do feraib Erenn riam. Fofrith dó oc Inbir Chichmaine .i. Édain ingen Edair, & dosbert Eochaid iarom, ar ba comadhais dó ar cruth & deilb & cenel, áine & oitidh & aerdarcus.64

¶3] It é tri meic Find meic Findlogha meic na65 rigna66 {YBL column 991} .i. Eochaid Feidlech & Eochaid Airem & Ailill Anguba. Carais Ailill Anguba iarom Etain ic feis Temrach iar feis dí la hEochaid . Fo dhaig dognith apairt dia sirshilliudh, uair is deascaidh seirci sirshillidh. Cairigis a menma Ailill don gnim sin dogéne & niba cabair dó. Ba treisi tol aicnidh. Focheird Ailill a sirg dé fo dhaigh nara thubaidhi fri nech & nach erbart frisin mnaí fodeisin.

¶4] Dobreth Fachtna liaig Echach dia imchaisiu an tan ro gab céill for écaib. ‘Asbert fris in67 liaig: ‘Acht nechtar na da idhan marbtha duine nath ícad legho .i. ida sheirce & idu68 eoid,


p.166

it é fil indudsu.’ Ní árdamar Ailill do, ar ba mebal lais. Foracbad iarom Ailill a Fremaind Teathbai fri bás, & luid Eochaid for cuaird nErenn, & foracbadh Édain hi fail Ailella co nderndais a thiugmaine lé .i. cora clasta a fert, coro hagtha a guba, coro hortha69 a chethrai.’

¶5] An tech a mbith Ailill a ngalar dotheigead Etain70 cach dia dia athreos, & ba lugaide a galarsom ón do suidiu, & cein no bith Édain isin maigin sin no bithsom oca deicsin. Rathaighis Edain anni sin & focheird a menmain aire. Asbert Edain frissom la n-and a mbatar ina tigh dib línaib, cid día mbai fochonn71 a galair do Ailill.72Ata dit seircsiu,’ ol Ailill. ‘Dirsan’ a fhad co n-erbort, or sisi. ‘Ropsat slan o chianaib dia fesmais.’ ‘Cid andib 73 badam slansa mad ail duitsiu,’ ol Ailill. ‘Bid ail ecin,’ or si.

¶6] Doteged iar sin cach dia do folcad a chind & do tinbi a chodach dho & do urgabail usce fora lamaib. Día teóra nomad


p.168

iarom ba slan Oilill. Adbertsom fri hEdain: ‘Ocus a testo dom iccsa cuin rom bia? ’ ‘Rod bia amarach,’ ol si, ‘acht niba isin tsosudh74 na firflatha dogentar an col. Dotuisiu ambarach am dailseo cusan tulaigh uasin liss.’

¶7] Bai Ailill ac frithaire na haidche. Contuili trath a dab. Ni dersaig co trath teirt ara barach. Luid Etain ina dailseam, co n-acai in fer ara cind co cosmailis crotha Ailella, & caínis inlobrai a galair. A n-aithesc rop ail do Ailill iss ed ro raidseom. Dofusce Ailill trath teirti . Fota fécais for toirrsi trath dodeochaid Etain isa teach. ‘Cid dodgni toirrsich?’ or si. ‘Do faidiud duitsiu ,75 am dailsi, & ni ranac ar do cind, & dorochair codlad form, conam earracht anos. Is suachnid ni rodchadh mo iccsa.’ ‘Ni ba son,’ ol Etain, ‘ata la i ndegaid aloili.’ Gaibthi frithaire na haidche le sin & teine mór ara belaib & usce na fharrad da tabairt fora shuilib.

¶8] Trath a dala dotaet Etain ana dhail co n-acai an fer cedna


p.170

amal Ailill. Luid Etain dia tigh. Fecais Ailill oc cai. Doluid Etain co fo tri & ní fairnicc Ailill a dail. Co fornecsi an fear cedna. ‘Ni fritsu,’ ar si, ‘ro dalasa. Ciasu tu 76 dodeachaid im dail? An fer frisro dalusa ni ar chul vel aimleas tiacht ara chind, acht as ar cúis tesairgne domnai rig Erenn don galar fotrubai.’ ‘Ba tocha duid toidheacht cucamsa, ol an tan rupsa Etain Echraidhe ingen Ailella r {YBL column 992} ba misi do cetmuindter & ba iar do sharlugaib 77 do primmuigib Erenn & uiscib & or & airget co tici do chutruma do facbail dar th'eis.’ ‘Ceist,’ ol sisi, ‘cia h'ainmsiú?’ ‘Ni hannsa, Midir Brig Leith ,’ ol se. ‘Ceist,’ ol sisi, ‘cid rodn édarscar?’ ‘Ni hannsa, fithnaisi Fuamnaige & brechtai Breasail Edarlaim.’ Asbert Midir fri hEdain: ‘An ragasu liumsa?’ ‘Nitó,’ ol si. ‘Noco ririub rig nErenn ar fer na fedar clainn na cenel dó.’ ‘Is misi em,’ ol Midir, ‘dorat for menmain Ailella do sheircsiu co torchair a fuil & a feoil dé, & is mesi thall cach n-ocobar collaidhi

p.172

{YBL column 992} n-aire, na beith milliud einich duitsiu and. Acht teisiu liumsu dom chrich dí n-apra Eochaid fritt.’ ‘Maith lium,’ ol Édain.

¶9] Tig iarom dia tig.78 ‘Is maith ar comrac’ or Ailill; ‘sech rom ícadsa in fechtsa, ní fil immlot n-einig duitsiú and.’ ‘Is amra amlaidh,’ ol Édain. Tainic Eochaid día chuaird iar tain, & atlaigestar beathaid a brathar & buidighthe fri hEdaín co mór a ndórigné co tainicsom.


p.162