Luid tra Gaibniu fon tibrait & ba slan side. Bai oclaech lasno Fomoire .i. Octriallach mac Indich meic Dei Domnann mac rig Fomoire. Atbert-side frisna Fomore aro tabroidis cloich cech ain fir leo de clochaib Drobesa do cor ar tibrait Slaine a n-Achad Abla fri Magh Tuired andíar, fri Loch n-Arboch antuaid. Lotar didiu & doberod cloich cech fir for in tiprait. Gonudde ata Carn Octrialdaich for an carn. Ainm n-aild dono din tibroid-sin Loch Luibe, ar dobered Dien Cecht ind luib cech losa rouhotar a n-Eri.