Mór do cóemaib derochrotar ann a mbúailie báis. Mór ant ár &
603] an lechtloide roboí ann. Roboí úall & imnáire and leth for leth. Buí
604] ferg & borrfad. Ba himgae réun folu tar gelcnius móethócláech ann
605] íerna léudh do lámaiuh létmiuch oc teicht a ngáuhad ar imbnárie. Ba
606] hamnas muirn & saitoi na curud & na láth ngali ic immdítin a ngáe & a
607] scíath & a courp ind taun nus-bítis a céli ica trúastrud denaib gaíb &
608] denaib cloidbiuh. Amnas dano an tarneuch ruboí and sechnón an
609] cathae .i. gáir na láechraidí & presimb na scíath, loindreuch & fedgairi
610] na cloidhim & na calc ndéd, cairchiu & grindegur na saicidbolc, sían &
611] etigud na foghaid & na ngabluch, & priscbémniuch na n-armb.