Corpus of Electronic Texts Edition
Aislinge Óenguso (Author: Unknown)
section 10
Téit in Dagdae co m-boí i tírib Connacht, trí fichit carpat a lín. Ferthae fáilte friu lassin
ríg ocus in rígnai. Bátar sechtmain láin oc fledugud íar sin im chormann doib. ‘Cid immu-b-rácht?’ ol in rí.
p.57
‘At-tá ingen lat-su it ferunn’, ol in Dagdae, ‘ocus ro-s car mo macc-sa, ocus do-rónad galar dó. Do-dechad-sa cuccuib dús in-da-tartaid don macc’.
‘Cuich?’ ol Ailill. ‘Ingen Ethail Anbuail’. ‘Ní linni a cumacc’, ol
Ailill ocus Medb.
‘Dia cuimsimmis do-bérthae dó’.
p.58
‘Ani for-maith -congairther rí in t-síde cuccuib’, ol in Dagdae.