¶1] Feghais Tundal ttar a ais co faca Patraic ardapstal Erenn co ndroing móir epscop ina diaidh. Atconnairc cethrur dob aithne do eturra: Celestinus ardepscop & Malacias & cetera. Tig ina ndiaidh iaram.
¶2] Roderscnaig a ngotha ar millsi & binness dá gach solas da fuair riamh. Dolabradis gan saothar & gan oslugadh béoil namá. Gach cinel ciuil rob ail doib fógnitis fochétóir. Rolas in t-aer día taithnemh. Batar immorro geimli asin ær sin, slatine argait 'arna fighe co hexamail asna geimlibh sin. Batar asda-sidhe copáin & cuirn & araile soithige examla d'or. Lin diairme d'ainglib eturra sin. Sgiathána oir forra. Dognitis fogur firbinn {MS page 808} frisna haidmibh hísin.