Corpus of Electronic Texts Edition
Aisling Tundail (Author: [unknown])

section 22

¶1] Robatar iaram acc sibal tre oirechtaibh imda. Atconncutar mur ard eli fo cosmailes an cetmúir, acht nama ba hor uile an mur sin. Ba mo gairdechas in anma im faicsin in muir sin na im gach gloir da faca riamh go sin. 'Ar ndol doibh isin mur sin adconncutar lín dirimhe do cathairibh ordaide lan33 do legaibh


p.116

logmaraib & gach cinel eli dona clochaibh uaisle 'arna cumdach ó nethibh examlaib .i. do margreg & siafir et ónasitus & topasius & sairdi & crisopasus & antistus & turcaid & granatus & a cosmaile archena. Nochelgad inntind caich fegad for a ndellrad.

¶2] O rangatar fairsinge an muir adconncutar nethe nach faca suil a samail & nach cuala cluas et nar' smaoin croidhe .i. an gloir do ullmaig Día do lucht a gradhuigthi. Atconncutar nái n-uird ainglidhe ann & na naoimh ina tercumuscc. Rochualatar briathra domellda nach tualaing nech do radha et nach ceird do ...

¶3] Atbert an t-aiggel fri hanam Tundail: ‘Est, a ingen, & claon do cluas & feg an gloir si & dermaid an popul {MS page 807} arabais, go taithne do maisi risin Righ. Is amlaid so as follus aoipne & millse, airdi & digniti, toigthi & suthaine gloir na naom & na n-aingel d' faicsin. Gloir eli as mo ina34 gach gloir .i. arán na n-aingel et sasad na naomh d' faicsin .i. Isa milis trocuirech.’

¶4] Ni35 nama atconncutar gach uile gloir isin inad sin, daigh atconncutar gach uile pian da facatar roimhe ann, amail ata sgriobtha: ‘Cernent terram amo (?) & longe’ .i. dochifit an talmain a cein uathaib, oir gidhbe da ttabair Dia cumus a faicsina fein, is cuma dochi gach uile creatuir ar chena & as cutrama dochit ara cul & ara n-agaid, amail nobetis suile in gach aon-ball dibh. Mar an cétna o fis & o36 egna imlain. Ní rofiarfaigh Tundal énní don aingel osin amach, ar tucad do fein fis gach neith rob ail do ó Diá.