Corpus of Electronic Texts Edition
Aisling Tundail (Author: [unknown])

section 6

¶1] Tiagatt rompu asa haithli, in t-anum co heimilt omhnach a ndeoidh an aiggil. Rigid glenn mar lán do dorchu et morgudh. Búi dia domne co narbo hecno don anuim a forcend. Gidheadh rochuala son na sruth et túth na raibhe et gair & egem na n-anmonn ann ag a pianadh. Do eirigh detach don glind et dona habaichibh troga doroisce cech pian da facuid

p.98

in t-anum riam. Attconnairc clar fotta 'arna sineth os cinn an glenna iter dá sliabh, fobith is eaturra bái an glenn. Milibh troiged a evdh et aon troigh a lethiutt. Ni laimhiuth nech a ascnamh, mine srengthái ar eigin ann hé.

¶2] Attconnairc anam Tundail ainim ile ag tuitim don drochet so et ænsagart ag a imthecht go reith gin legad gin leonadh. Atbert an t-aingel o muth fortachta don anuim: ‘Nata-áighthir arái in droichitt. Acht chenai dogepa péin n-aill {MS page 775} iar trill.’ Berir in anoim tarsin drochet cin nach ndograing iaram. ‘Acc so glenn fpionto na ndiumsach n-uallach’, ar in t-aingel fria.