Corpus of Electronic Texts Edition
Aisling Tundail (Author: [unknown])

section 2

De aspectú demonis

¶1] ‘O roching tra in anom om chorp & adconnairc gurbo am marbh, rogab mo chubhus uamun dimor tre aidhbhlibh mo chuil et ma phecad. ich nícon fes do cred dogenad. Ro-smuain


p.95

techt isin colaind ina frithing, acht ní conice. Rogab co hanbsaid utmall sanchán go cí et co toirsi, co n-eccla occus co ndercaoined. Doconnarc airvre dimaro di demhnaibh domh oigidh, gurralinsod in tegh et in garrdha & na sraittibh archenoi. Rotacmoingsetar an anmain dtróig et atbertsad:’

¶2] ‘Gniemh cantoice don anmoin troigh si, oir is inghen don bás hé occus as namo do Día. Is teine domuchta hé. Ag so banchara in dorchuduis & bidbha na soillsi.’ Ro-sgomsat a bfiacla chugo & radluichsiot a grúaidhe & a oinigh dia n-ingnibh & atbertadais: ‘Tair lasin popul rongoais itt biú baile a bfaigbe tene huthain a n-ifurn dot losccadh t bithu, a buimi na cendairrce, a banchechroir na himriosno, do bidh cen athchor(?) linne. Cd2 imna dena an diumus gnáth anosa? Caithe in t-ettrad anbfoild? Caidh in nert lar' triallois clodh na sochaide? Caithi in feiles fognithea ría sunn? Caidhe in gola nemhmesardoi? Cidh na dena in dercad espo anosai? Cidh na dena damsa frit cosaibh? Cidh ná sine do mer da fodord chaich? Caidhe in droch-tuscurnad menic et in droch-smuoined et moran día samhlaighthibh cheno?’