Corpus of Electronic Texts Edition
Eine Variante der Brendan-Legende (Author: Unknown)
section 3
Fechtus dí batar forin aiccen, con-acatar na srotha [...]6 dermaire, dosrengait7 dí an t-anfad dar a n-aindéoin co bord na saebhcoire. Is annsin ros-gabh imeccla mór iat fri med a
p.412
ainbthine. Gabhais cach dibh acc fecchadh i n-aghaidh Brenainn, uair roba dermair in gabudh i-rabhatur. Toccbais iarsin Brenainn a ghuth co hard, conidh ann as-bert: ‘Is lor duit, a mhuir mhor sa’, olse ‘meisi m'oenar do bhadhadh, et léicc uait in luct sa.’ Is ann dí fethnaigis in muir fochedoír, & toirnit feicheda na saebhcoire ó sin amach riamh & nir-irchoítigset do neoch eile.