Aduathmuire & mó a n-gotha ina torann, conadh annsin curter furfuagra on Dúilemh for in cinedh {column fo 96b1} n-daona .i. Mícél arcaingel. & dochluinfid na h-uili duini in tan-sin forfhuagra Míchil on Duilemh aca togairm 'cum na mórdala-sin. Conadh annsin adreisit na h-uili marbh a talam an uair-sin .i. adresit ar tús na h-apstail & na faidhi & na faismedhaigh, na mairtirigh & na naoim & na fírenaig, & lucht óighi & aithrigi iar sin, & náidhin baistedha fadheóidh.