Corpus of Electronic Texts Edition
The Tidings of the Resurrection (Author: Unknown)

section 24

Aráidi ní bia format neich díb-sium fri araile, ar ita do mét dethiten & gráda cáich dib-sium feib oc araili, iar n-desmirecht sin ind óen chuirp techtas and bullu écsamla, & bullu ata úasliu araile, & araide ní bí format neich díb-side ria cheli. Ocus dano anaill and, uair ni chesend nech dib-som for a fochraic fein, ar is e Dia a óenur bas cosmailius cech mathiusa tall dona h-ulib noemaib & fírenaib.