Corpus of Electronic Texts Edition
Scéla lái brátha inso sís (Author: Unknown)
section 14
De nim tra co demin do-raga in Comdiu do fugiull brátha, mar demniges in rígfaith Dabid mac Iese. Innas immurro do-raga demnigid in fáith cétna & iss ed at-beir: ‘Bid follus,’ ar se, ‘do-raga in Comdiu dond fugiull & nibá tóithenach.’
p.250
Biaid dana tene mór ar lassad 'na fíadnaisi & ainbthini dermár imme di cach leith. Is aire immurro do-raga in Comdiu dond uugiull do mes forin ciniud n-doenna eter biu & marbu. Mar at-beir in rigfaith cetna: ‘Tinolfaiter,’ ar se, ‘muinter nime & talman hi fíadnaisi in Chomded i l-ló brátha.’