Corpus of Electronic Texts Edition
Bríathra Floinn Fíona meic Cosa anso (Author: Unknown)

p.112

{MS 23 N 17 page 33}

Maith dán ecna do-gní rig do bocht, do-gní ansruith d'esert, do-gní so-chinél do do-chinél, do-gní gáeth do báeth. Maith a thosach, ferr a deired, airmitnech isin centar, lógmar isin alltar, ní derchóintech fri a deired .i. fri tabairt nime don anmain.

Doilig dán láechdacht. Ní hoirderc & is dercnaig a daig, gnímhach duthain a saoi .i. it tregdaig a bí, at h-iferneig a mairb. Ní thimain athair dia mac. Mairg danab dán láechdacht mina tair aithrige.