Inna teora tonna tíaghtai tar duine a m-bathis tré fretiuch fristoing indib .i. fristoing don domun cona adbclossaib, fristoing do demon cona indtledoib, fristoing do tolaib collę. Iss ed in so imefolngi dvine dendí bes mac báis co m-bí mac bethad, dendii bes mac dorchoi co m-bí mac solse. Ochón abbaing inna trí fretiuch so isna teura tonnaib tiaghta tairis! Mani tudchaid tre drilind afrithisse docói i flaith Dé .i. lind dér aithrige, lind tofaiscthi folai hi pennaind, lind n-aillse hil-lebair.