Tríar ditét do chresene. Óenne biid inde, alali bíd ocai, alaili bíd etercén úadi. Ní cuma immurgu. Is ferr dondí m-bís inde oldás dondí bís occai. Es ferr dondí bís oco oltás dondí bís etircéin úaide. Iss é antí bís inde antí isren hi cech laithi a trédi aran-éta bethaid a anmo .i. nach fó rocólæ & nach maith at-condairc rocar & rocreti & rocomalnustar. Iss é intí bís oco .i. antí do-sloinde an bith ó bélaib & foisethar inna cridi, fritidir frie h-áine & ernaicthi, ní rodlom dorair do saint & cailti, alalám do (dorm), alaili do talam. Ess é antí bís etircén úadi, antí forcomh cresene & ní déne a m-bésa assa feib a shægail a fod. Anda less bud assad dénum nach ráthi alaili.