Corpus of Electronic Texts Edition
Das Apgitir Crábaid des Colmán maccu Béognae (Author: Colmán maccu Béognae[?])
section 18
Cuin is túalaing duine rob test for anmonnaib alanaili? Ó robo test for a anmain fadesin indúss. Cuin is túalaing coisc alanali? Ó chanasca fadesin induus. Duine dosúi a anmain fadesin do betha, cé méd anmain doróa fath , dóine an domain uili acht bidis sochoisce, do-dosúifed do bethæ comdis flatha nime. In do-chosci fadesin & a n-olc
p.452
& a n-vallbe adharban sech flaith Dé. Corp conói anmain, ainim conói menmoin, menmo conói cridi, cride conói iris, h-iris conói Día, Día conói dvine. Amail difuarcoib lóchrann a soillse a tegdois dorcha, is amlaid dofvarcaib ind fírindi a medón inna h-irisse a cridi duine. Cethair dorcha adarban as as a n-dofvarcaib and: dorcha n-gendtlechta, dorcha n-anuis , dorcha n-amarise , dorcho pectha co ná rogainn nach æ ann.