A dó ata foimdi oc éot fírinne .i. ferc & altes, ar is léniud don fírinde cebé de dotecmo dí. Air ét inna fírinne is dúal inromastar a téchta: ét cen ferg , h-umaldóid cin esliss fírinde cecruth a fócairthi la h-umalóid cen connarclie, ar ní con-darcol anfírinde in h-omol cammaif. Ní bí fírién ná bí fírhumol, ní bí fírecnę ná bí fírión. Air in fírecno ní rogainn la h-anfírindi an duini, ar is tiug an fíal fil etorrai, ar is nessa comruc fri h-ecnai fírindi 'nás fri fírinne ecna. Ar is ann is fírecnę duine ór'bí fírián, co epri fírindi cen t-serbę cen connarcli la h-anmhnet , la h-álgine. Innmus & ecna & fíretla is h-immalle rodosaig dvine. Cvin rodosaigh duine? Intan is n-dílacht a fírinde. Cuin is n-dílocht a fírinde? An taun m-bís a cridhe ina téchta, is ann is fírinde hissvidiv, amail ní roichned ó duini.