Corpus of Electronic Texts Edition

Regula Mucuta Raithni (Author: Unknown)

poem 6

(23. N.10, fo. 85.)

87. 345] Dia mba maccleirech fa mám,
    346] tapuir lám fri holc,
    347] bidh a ndligid ecuilsi
    348] gan laxa, gan locht.
88. 349] Cen debi, cen mídúthracht,
    350] gan míguth fri nech,
    351] [cen gait], cen gói, gan golus,
    352] go forus is dech.

---

p.320

89. 353] Cen sainc[h]ron, cen indíri,
    354] cen maise, mór búaid,
    355] cen fodard, cen foiscenach,
    356] cen formad, cen úaill.
90. 357] Cen cosnum, cen imt[h]oltuin,
    358] cen comoirb, cen ír,
    359] cen ingreim, cen sainmiscuis,
    360] cin luinde, cen brígh.
91. 361] Cen merbe, cen derc[h]áinuth,
    362] cen toipliun, gan báais,
    363] cen diubuirt, cen utmaille,
    364] cen labra, cin láis.
92. 365] Cen brath ne[i]ch, cen thsuntaige,
    366] cen cráes coilless cách,
    367] cen misci, cen rafáilti,
    368] cen báethlabra ngnáth.
93. 369] Cen ratsocht, cen tairesiumh,
    370] co cet fri cach [n]gníom,
    371] cen indeirge uilc ar olc
    372] a corp criáudh críon.
94. 373] Co n-umle, co n-áilgena
    374] fri hingnad, fri gnádh,
    375] co n-iris, co n-erlataidh,
    376] co ndéercc fri cách.
95. 377] Ind-imnochta toltanach
    378] cen cáilti, cen claon,
    379] oc ernuide fochruice
    380] oc reilgib na naomh.
96. 381] Co bféile, co bfedemla,
    382] co bfeidle fo mám,
    383] co ndéine, co ndillochta
    384] fri gach gním cidh sár.
97. 385] Co n-ainmet, co ndiúiti,
    386] co cendsa fri cách,
    387] co ndiugrau, co n-irnaidhgi
    388] fri Críst in gach tráth.
98. 389] Co forngaire fírinde,
    390] co fúagra gach clæein,
    391] co coibsinuiph leirmincuip
    392] do réir carud næeimh.
99. 393] Co comét cos ocus lám
    394] súl[e] ocus clúas,
    395] beóil cride im gach gním
    396] is díor don Ríg túas.
100. 397] Co foraithmet laithe mbáais
     398] is aircend do cách,
     399] co n-oaman na bithpéine
     400] a mbeither iar mbráth.
{Ms page 80}
101. 401] Fáilti fri cach fochuide,
     402] ainmne friu do grés,
     403] la himrádh[ud] muintire
     404] nime, naomdha in bés.
102. 405] Airmide na senóra
     406] ocus beith dia réir,
     407] co forcetul ógdaine
     408] co lesach, co léir.
103. 409] Guide ina coimdhíne,
     410] mór a dile dún,
     411] ná riret in dúileama[i]n
     412] ar deman ndaor ndúr.
104. 413] Dílgudh do gach aonduine
     414] dorinde olc frind,
     415] a ngudh, i mbréithir, a ngníom
     416] timarnad Ríg rind.
105. 417] Serc na nhí nonmiscnegat
     418] isan doman cé,
     419] maith dar ceand ar n-ingreamo,
     420] is ed timna nDé.