Corpus of Electronic Texts Edition
Regula Mucuta Raithni (Author: Unknown)

poem 5

Do monur epscop so.

  1. 177] Dia mbat táisech ecalsa,
    178] is húasal in bríg,
    179] ferr co mbad chóir nogabtha
    180] comarbus in Ríg.
  2. 181] Dia mbat táisech ecalsa,
    182] is húasal in bág,
    183] cuma chert na hecalsa
    184] óthá min co már.
  3. 185] Cach ní rothimnai Críst cáid
    186] pritcha dóib co léir
    187] 'na forcongrai do cach æn
    188] dosróna fodhéin.

    4. p.317

  4. 189] Feib charai th'anmain fodhéin
    190] car anmain cach áein,
    191] is lat commórad cach maith,
    192] is innarba cach clæin.
  5. 193] Níp caindel fo míachlestur,
    194] do légenn cen lén,
    195] is lat leiges do cach slúag
    196] cid trúag nó cid trén.
  6. 197] Is lat mess cáich iarna ngrád
    198] ocus iarna ngním,
    199] co rostaiselba i mbráth
    200] ar bélaib ind Ríg.
  7. 201] Lat guidi na senórach
    202] forslaig lubra is lén,
    203] immattach Maic ind Ríg
    204] frosaibh dianaib dér.
  8. 205] Lat tinchosc na n-ócdóene
    206] ná digset i n[dot]gén,
    207] nachasruca, demon dúr
    208] isa marbthech brén.
  9. 209] Is lat atlugud buidi
    210] di cach óen ar húair,
    211] di neoch comallas a ghním
    212] 'sinn nóebeclais úaig.
  10. 213] Is lat cairigud na mbæth,
    214] cúrsachad na slúag,
    215] tintúd na n-anord i n-ord,
    216] na mborb tolchair trúag.
  11. 217] Ainmne, huimhle, irnaigthi,
    218] áini dearbo dil,
    219] fosta, féile, fethamla
    220] dlegair dít in sin.
  12. 221] Cuimrech cáich co fírindi,
    222] ní deróil in grés,
    223] dlúthad, dílgud, diúite,
    224] dírge im cach mbés.
  13. 225] Grés fri procept soiscéle
    226] do chuindriuch cach æin,
    227] edpairt chuirp in Mórchoimded
    228] forsind altóir nóeib.
  14. 229] Nech nád chomalla in sin
    230] forsin doman ché
    231] ní comarba hecalsa,
    232] acht is bidba Dé.
  15. 233] Is táidi ocus slataigi,
    234] fortgella in Rii,
    235] is tria thaoebdha ecalsa
    236] mad amlaid tí dí.

    16. p.318

  16. 237] Is fælamail aircheltach,
    238] is bidbu co n[dot]gráin,
    239] is é gebes ar écin
    240] rígain in Ríg máir.
  17. 241] Iarna gabáil ar écin
    242] is iarom noshith,
    243] is námha don fhírindi
    244] hi follus, hi clith.
  18. 245] Noch ní messom fessin,
    246] is derb is ní gó,
    247] nocondricfitir na mbeth
    248] intí dober dó.
  19. 249] Ba ferr don mac hecalsa
    250] atágad Críst cáid,
    251] ní bad æntadach frini
    252] co mbeth fo mám & cáin.
  20. 253] In lín bes hi coimchétfaid
    254] sáraigthi ind Ríg
    255] moalle peinnit péin hiffirn
    256] tria bith[u] sír.