Corpus of Electronic Texts Edition
Regula Mucuta Raithni (Author: Unknown)
poem 4
Ord sacart.
- 149] Dia mbat sacard bat sæthrach,
150] ní ráidi acht fír,
151] sruith int ord rogabais-[s]eo,
152] edpairt chuirp in Ríg.
- 153] Ferr duitt ná bat aneccnaid,
154] do légand bad chert,
155] bat mebrach, bat dageólach
156] hi riaglaib, hi recht.
- 157] Do bathis rob [ ]dligthech,
158] is dúal do gnímh dil,
159] hi[s] sruith in fer comedprai
160] Spirut Nóeb do nimh.
- 161] Dia téiss do thabairt chomna
162] fri hidacht a mbáis,
163] rothoibge a coibsena
164] cen náire, cen tláis.
- 165] Arondech do shacarbaic
166] ria cathé a curp,
167] nírb dillacht ind athirge
168] nát intshód in hulcc.
- 169] Dia cuirther lámh ar in grád,
170] ar is mór in bríg,
171] co tarce toil di cach aoen
172] i mbréithir, i ngním.
- 173] Acht mad dóene anforbthi
174] cia chara a n[dot]gnáis,
175] dóib-sede ní thidnaicce
176] co laithe do báiss.Finit.