Corpus of Electronic Texts Edition
Regula Mucuta Raithni (Author: Unknown)
poem 3
Recht ríg.
- 117] Dia mbat rí bit ríghcerdach,
118] ní oirdni nach clæn,
119] sruith in fer notoirdnestar,
120] Coimdiu nime nóeb.
p.315
- 121] Ní bat anbsaid intledach,
122] ní bat rathmar borb,
123] faitchi frisin cumachtach
124] rofóid duit in n-ord.
- 125] In mám sin rogabais-siu
126] menibe dia réir,
127] gétair orut im gar húar,
128] raga húad i péin.
- 129] Ar is ed is lándíbud
130] do cach ríg robæ,
131] tan renas, is trúag in bríg,
132] a fhír for in gæ.
- 133] Ar is tri a[n]fhír flaitheman
134] comscarthair cach sídh,
135] etir ecclais ocus túaith
136] forbrister cach fír.
- 137] Ar is triana frithhorgain
138] cach fochid rofess,
139] is trina forbríg nád bí
140] ith ná blicht ná mess.
- 141] Is treothu na mortlaidi
142] is annso cach mbríg,
143] is treothu it cathbúadaig
144] námait for a t[h]ír.
- 145] Is treotho na hainbthine
146] aeoir amhnais húair,
147] na bésti, na hilgalra
148] turcbait in cach túaith.F.
p.316