Corpus of Electronic Texts Edition

Regula Mucuta Raithni (Author: Unknown)

p.312

poem 1

1. 1] His é ascnam na flatha
   2] hÍssu, húasal bríg:
   3] serc Dé ó huilib nerttaib,
   4] ó chridhi, ó gním.
2. 5] A sercc ó huilib nerttaib,
   6] ní bu liach cid léir,
   7] serc do chomnesom la sein
   8] amail do seircc féin.
3. 9] Ní adra do hídlachtaib
   10] dáig in Choimded móir,
   11] níraittche do Dhúilemain
   12] im úabar nach cóir.
4. 13] Airmitiu do thustidib,
   14] rothimna in rí,
   15] ocus cach óen as sruithiu,
   16] as sinu ol mbí.
5. 17] Tabair honóir dot Apaid
   18] mac Muire cen meth,
   19] ní rogata, nírfuigle
   20] is nírairge nech.
6. 21] Nírbat santa[ch] immun mbith
   22] nó for ind nim chlóen,
   23] ní théiss hi forgull fri nech,
   24] ní chráidi nach n-aon.
7. 25] A n-adcobrai-seo ó chách
   26] duit féin do cach maith,
   27] déna-su sin do cach aon
   28] is roshhís in flaith.
8. 29] Ní nach dúthraccair duit féin
   30] do aurchóit bas olcc
   31] do duine ní accobra
   32] hi céin thechta chorp.

   Finit.

---

p.314