Corpus of Electronic Texts Edition

Background details and bibliographic information

Regula Mucuta Raithni

Author: Unknown

File Description

Kuno Meyer

Electronic edition compiled by Beatrix Färber

Funded by University College, Cork and
School of History

1. First draft.

Extent of text: 3110 words

Publication

CELT: Corpus of Electronic Texts: a project of the Department of History at University College, Cork
College Road, Cork, Ireland—http://www.ucc.ie/celt

(2015)

Distributed by CELT online at University College, Cork, Ireland.
Text ID Number: G203000

Availability [RESTRICTED]

Available with prior consent of the CELT programme for purposes of academic research and teaching only.

Sources

    Manuscript Sources
  1. London, British Library, 'Leabhar ui Maolconaire', Add. MS 30,512, fol. 20a1. (Vellum; 15th?16th century.) For details see Robin Flower and Standish Hayes O'Grady (eds.), Catalogue of Irish manuscripts in the British Library [formerly the British Museum]; 3 vols. (London 1926; repr. Dublin 1992, revised by Myles Dillon) vol. 2, 470–505
  2. Dublin, Royal Irish Academy, 23 N 10, a paper manuscript written in the year 1575, p. 85. For details see Kathleen Mulchrone et al.: Catalogue of Irish Manucripts in the Royal Irish Academy. Dublin 1926-70, No. 967, pp. 2769–80. Facsimile edition: Best, R. I.: MS. 23 N 10 (formerly Betham 145). Dublin 1954.
  3. Lebor Bretnach, p. 261b
  4. Yellow Book of Lecan, p. 407a7.
    Editions
  1. Archiv für Celtische Lexikographie 3, pt. 4 (A medley of Irish texts 10) 312–320 (1907).
    The edition used in the digital edition
  1. Kuno Meyer, Regula Mucuta Raithni in Archiv für Celtische Lexikographie, A medley of Irish texts 10, Archiv für Celtische Lexikographie. Volume 3, pt. 4, Halle/Saale, Max Niemeyer (1907) page 312–320

Encoding

Project Description

CELT: Corpus of Electronic Texts

Editorial Declaration

Correction

Text has been checked and proof-read twice.

Normalization

The electronic text represents the edited text. In Meyer's edition, the acute accent and macron are used to mark long vowels. Both are retained here. F and s with overdot are shown as fh, sh. Expansions are marked ex. Names are capitalized in line with CELT practice.

Quotation

Direct speech is marked q.

Hyphenation

When a hyphenated word (hard or soft) crosses a page-break, this break is marked after completion of the hyphenated word.

Segmentation

div0=the text; div1=the individual poem within the text; page-breaks are marked pb n="".

Interpretation

Names are not tagged, nor are terms for cultural and social roles.

Canonical References

This text uses the DIV1 element to represent the poem.

Profile Description

Created: By an unknown Irish monastic author. Date range: 900–1200.

Use of language

Language: [GA] The text is in Middle Irish.
Language: [EN] Supplied title and notes are in English.

Revision History

Corpus of Electronic Texts Edition: G203000

Regula Mucuta Raithni: Author: Unknown

p.312

  1. 1] His é ascnam na flatha
    2] hÍssu, húasal bríg:
    3] serc Dé ó huilib nerttaib,
    4] ó chridhi, ó gním.
  2. 5] A sercc ó huilib nerttaib,
    6] ní bu liach cid léir,
    7] serc do chomnesom la sein
    8] amail do seircc féin.
  3. 9] Ní adra do hídlachtaib
    10] dáig in Choimded móir,
    11] níraittche do Dhúilemain
    12] im úabar nach cóir.
  4. 13] Airmitiu do thustidib,
    14] rothimna in rí,
    15] ocus cach óen as sruithiu,
    16] as sinu ol mbí.
  5. 17] Tabair honóir dot Apaid
    18] mac Muire cen meth,
    19] ní rogata, nírfuigle
    20] is nírairge nech.
  6. 21] Nírbat santa[ch] immun mbith
    22] nó for ind nim chlóen,
    23] ní théiss hi forgull fri nech,
    24] ní chráidi nach n-aon.
  7. 25] A n-adcobrai-seo ó chách
    26] duit féin do cach maith,
    27] déna-su sin do cach aon
    28] is roshhís in flaith.
  8. 29] Ní nach dúthraccair duit féin
    30] do aurchóit bas olcc
    31] do duine ní accobra
    32] hi céin thechta chorp.

    Finit.

    9. p.314

Do monur epscop sunna.

  1. 33] Dia mbo epscop, húasal grá;d,
    34] geib do mámb do léir,
    35] bí-siu do réir Chríst cen claon,
    36] bid cech aon dit réir.
  2. 37] Hícc cech ngalar n-ancessach
    38] la nert Choimded cáid,
    39] hi[s] sídhaig na mórthúatha,
    40] coisc in rígraid ráin.
  3. 41] Bid iar cóir a óegedecht
    42] for túaith ocus chill,
    43] rop díriuch a forcitul,
    44] rop gréssach, rop grinn.
  4. 45] Tróethad inna hainngide,
    46] carait dénam huilcc,
    47] mórad cecha fírinne,
    48] iss ed dlegair duit.
  5. 49] Bat mebrach 'sind nóebscriptúir
    50] in tan geba ord,
    51] ar bat lesmac ecalse
    52] dia mbat bæglach borb.
  6. 53] Ar is borb cach n-anecna,
    54] his é a fhír is a chert,
    55] don Choimdi[d] ní comharba
    56] nech ná léga a recht.
  7. 57] Damnad cach eirse, cach huilc
    58] is latt-su iar fír,
    59] ní roib [nach] olcc indutt féin
    60] i mbréithir nó i ngnímh.
  8. 61] Héirgiu meni déntar fort
    62] is ná bither dot réair,
    63] dia mbat a[i]rcend-so dóib-seo,
    64] biat cinntach-so féin.
  9. 65] Ar is derb dopendfe-seo
    66] acht co tí in dáal máar
    67] iubail do chinad fodéin
    68] cin cámich bías fot mám.

    Finit.

Do chéiliu Dé.

  1. 69] Dia mbem fo mám chléirchechta,
    70] is úasal in béas,
    71] aithigem in nóebeclais
    72] in cach tráth do gréas.
  2. 73] In tan rochlomar clocán,
    74] ní furáil in cís,
    75] tócbam cridi solam súas,
    76] teilgem gnúissi sís.

    3. p.314

  3. 77] Canam patir ocus glóair,
    78] nachartairli tríst,
    79] sénam bruindi ocus gnúais
    80] [d']arde chruichi Críst.
  4. 81] Mar rohíssam in n-ecclaiss
    82] sléchtam co bo thrí,
    83] ní fillem glúine nammá
    84] i ndomnach Déa bí.
  5. 85] Celebram is cuimrigem
    86] cen lobra, cen lén,
    87] sruith in fer adgládamar,
    88] Coimdhiu nimhe néul.
  6. 89] Figlem, légem, airnaigthem,
    90] cách im-méit a neirt,
    91] feib na réë féga lat
    92] [co ríasam in teirt.]
  7. 93] Tæt cach grád ria cho[m]adas
    94] feib dobeba cóair,
    95] amail ainmnigthir do chách
    96] óthá teirt co nóain.
  8. 97] Int æs gráid dond airnaigthi,
    98] donn aithfrind co cert,
    99] æs léginn do forcital
    100] feib atá a neart.
  9. 101] Ind ócbad dond humallóit
    102] feib rothá a tlí,
    103] ar [is] díles do diabul
    104] corp ná déni ní.
  10. 105] Lubar dond æes anecnaid
    106] do réir clérech cámid,
    107] sæthar ecnada 'na gin,
    108] sáethar buirb 'na láim.
  11. 109] Celebrad cach æntrátha
    110] la cach n-ord dogníam,
    111] trí figli ria celebrad,
    112] a trí inna díad.
  12. 113] Túæ ocus díchrato,
    114] raithinchi cen chlæn,
    115] cen fhodhord, cen imchomoirb
    116] dlegair do cach óen.

    Finit. a.

Recht ríg.

  1. 117] Dia mbat rí bit ríghcerdach,
    118] ní oirdni nach clæn,
    119] sruith in fer notoirdnestar,
    120] Coimdiu nime nóeb.

    2. p.315

  2. 121] Ní bat anbsaid intledach,
    122] ní bat rathmar borb,
    123] faitchi frisin cumachtach
    124] rofóid duit in n-ord.
  3. 125] In mám sin rogabais-siu
    126] menibe dia réir,
    127] gétair orut im gar húar,
    128] raga húad i péin.
  4. 129] Ar is ed is lándíbud
    130] do cach ríg robæ,
    131] tan renas, is trúag in bríg,
    132] a fhír for in gæ.
  5. 133] Ar is tri a[n]fhír flaitheman
    134] comscarthair cach sídh,
    135] etir ecclais ocus túaith
    136] forbrister cach fír.
  6. 137] Ar is triana frithhorgain
    138] cach fochid rofess,
    139] is trina forbríg nád bí
    140] ith ná blicht ná mess.
  7. 141] Is treothu na mortlaidi
    142] is annso cach mbríg,
    143] is treothu it cathbúadaig
    144] námait for a t[h]ír.
  8. 145] Is treotho na hainbthine
    146] aeoir amhnais húair,
    147] na bésti, na hilgalra
    148] turcbait in cach túaith.

    F.

p.316

Ord sacart.

  1. 149] Dia mbat sacard bat sæthrach,
    150] ní ráidi acht fír,
    151] sruith int ord rogabais-[s]eo,
    152] edpairt chuirp in Ríg.
  2. 153] Ferr duitt ná bat aneccnaid,
    154] do légand bad chert,
    155] bat mebrach, bat dageólach
    156] hi riaglaib, hi recht.
  3. 157] Do bathis rob [ ]dligthech,
    158] is dúal do gnímh dil,
    159] hi[s] sruith in fer comedprai
    160] Spirut Nóeb do nimh.
  4. 161] Dia téiss do thabairt chomna
    162] fri hidacht a mbáis,
    163] rothoibge a coibsena
    164] cen náire, cen tláis.
  5. 165] Arondech do shacarbaic
    166] ria cathé a curp,
    167] nírb dillacht ind athirge
    168] nát intshód in hulcc.
  6. 169] Dia cuirther lámh ar in grád,
    170] ar is mór in bríg,
    171] co tarce toil di cach aoen
    172] i mbréithir, i ngním.
  7. 173] Acht mad dóene anforbthi
    174] cia chara a n[dot]gnáis,
    175] dóib-sede ní thidnaicce
    176] co laithe do báiss.

    Finit.

Do monur epscop so.

  1. 177] Dia mbat táisech ecalsa,
    178] is húasal in bríg,
    179] ferr co mbad chóir nogabtha
    180] comarbus in Ríg.
  2. 181] Dia mbat táisech ecalsa,
    182] is húasal in bág,
    183] cuma chert na hecalsa
    184] óthá min co már.
  3. 185] Cach ní rothimnai Críst cáid
    186] pritcha dóib co léir
    187] 'na forcongrai do cach æn
    188] dosróna fodhéin.

    4. p.317

  4. 189] Feib charai th'anmain fodhéin
    190] car anmain cach áein,
    191] is lat commórad cach maith,
    192] is innarba cach clæin.
  5. 193] Níp caindel fo míachlestur,
    194] do légenn cen lén,
    195] is lat leiges do cach slúag
    196] cid trúag nó cid trén.
  6. 197] Is lat mess cáich iarna ngrád
    198] ocus iarna ngním,
    199] co rostaiselba i mbráth
    200] ar bélaib ind Ríg.
  7. 201] Lat guidi na senórach
    202] forslaig lubra is lén,
    203] immattach Maic ind Ríg
    204] frosaibh dianaib dér.
  8. 205] Lat tinchosc na n-ócdóene
    206] ná digset i n[dot]gén,
    207] nachasruca, demon dúr
    208] isa marbthech brén.
  9. 209] Is lat atlugud buidi
    210] di cach óen ar húair,
    211] di neoch comallas a ghním
    212] 'sinn nóebeclais úaig.
  10. 213] Is lat cairigud na mbæth,
    214] cúrsachad na slúag,
    215] tintúd na n-anord i n-ord,
    216] na mborb tolchair trúag.
  11. 217] Ainmne, huimhle, irnaigthi,
    218] áini dearbo dil,
    219] fosta, féile, fethamla
    220] dlegair dít in sin.
  12. 221] Cuimrech cáich co fírindi,
    222] ní deróil in grés,
    223] dlúthad, dílgud, diúite,
    224] dírge im cach mbés.
  13. 225] Grés fri procept soiscéle
    226] do chuindriuch cach æin,
    227] edpairt chuirp in Mórchoimded
    228] forsind altóir nóeib.
  14. 229] Nech nád chomalla in sin
    230] forsin doman ché
    231] ní comarba hecalsa,
    232] acht is bidba Dé.
  15. 233] Is táidi ocus slataigi,
    234] fortgella in Rii,
    235] is tria thaoebdha ecalsa
    236] mad amlaid tí dí.

    16. p.318

  16. 237] Is fælamail aircheltach,
    238] is bidbu co n[dot]gráin,
    239] is é gebes ar écin
    240] rígain in Ríg máir.
  17. 241] Iarna gabáil ar écin
    242] is iarom noshith,
    243] is námha don fhírindi
    244] hi follus, hi clith.
  18. 245] Noch ní messom fessin,
    246] is derb is ní gó,
    247] nocondricfitir na mbeth
    248] intí dober dó.
  19. 249] Ba ferr don mac hecalsa
    250] atágad Críst cáid,
    251] ní bad æntadach frini
    252] co mbeth fo mám & cáin.
  20. 253] In lín bes hi coimchétfaid
    254] sáraigthi ind Ríg
    255] moalle peinnit péin hiffirn
    256] tria bith[u] sír.

Do fedmannaib anmcarat gebes mancho so.

  1. 257] Dia mbat an[a]mchara neich
    258] a anmain nísroirr,
    259] ní[ra]b dall ic tu[u]s daill,
    260] nísreilce hi foill.
  2. 261] Tabrait dait a coibsena
    262] co diúit is co léir,
    263] ní ragba a n-almsana
    264] meni bet dot réir.
  3. 265] Cia gaba a n-edparta,
    266] níp mór lat a sercc,
    267] mar bad teine beth fort churp
    268] nosfodla tria[t] nert.
  4. 269] Do áine, do aurnaichti
    270] rohícca al-lúag,
    271] mani derna attetha
    272] cinaid inna slúag.
  5. 273] Tinchosc inna n-aneólach
    274] sléchtaidi fot réir,
    275] ar ná dichset hic cinaid
    276] hit degaid fodéin.
  6. 277] For na seotu nírb fot cuacc,
    278] la dóenib níp neóit,
    279] dáig is diliu dait th'anim
    280] indaite na seóit.
  7. 281] Dosbera do óegedaib,
    282] cid trén nó cid trúag,
    283] dosbera do bochtánaib
    284] ó ná sáilfe a lúag.
  8. 285] Dosbera do shenóirib,
    286] do fhedbaib, ní bréc,
    287] nístabra do phecthachaib
    288] lasm[dot]é imbed sét.

    9. p.319

  9. 289] Dosbera hi fírdochtai
    290] do cach óen ar n-úair,
    291] cen adbchlos, cen athmaithim,
    292] ar is hé a mbúaid.
  10. 293] Gabáil inna n-écnairce
    294] mór a n[dot]dile duit,
    295] hirmaisiu cach æentrátha
    296] dia mbentar na cluicc.
  11. 297] Tráth tiagait do chelebrad
    298] fir betha co mbúaid,
    299] co rop ann sin dechais-[s]iu
    300] ná rap cách ar húair.
  12. 301] Aiffrend lathaib téchtaidib,
    302] domnach la dardáin,
    303] menib é cach ænlaithi
    304] iar ndígdi cach clóein.
  13. 305] Aiffrend for na cristaidib
    306] ocus for cach grád,
    307] aiffrinn for na fachaidib
    308] óthá min co már.
  14. 309] Ar cach óen roairiltneig
    310] ria sunda do chách,
    311] ocus airiltnigfes
    312] óniú co tí bráth.
  15. 313] Deithbir lim i sollomnaibh,
    314] becc nach hé mo rád,
    315] féil[e] apstal, ardmartir,
    316] féile creadal cád.
  16. 317] [In] tan tiastar don aiffrinn,
    318] is húasal in rád,
    319] congain cride, telgud dér,
    320] turcgbáil inna lám.
  17. 321] Cen fháilti, cen falabra,
    322] co cennsa, co cói,
    323] co ndílgud cach ancridhe
    324] fil, biäs, robói.
  18. 325] Co síd fri cach comnesom,
    326] co n-imeccla máir,
    327] co fóisitin duälcha
    328] tráth raga do láim.
  19. 329] Dá cét slechtain la biäitt
    330] gach laithi dogrés,
    331] na trí cóicait do gabáil,
    332] ní furáil in bés.
  20. 333] Mad áil duit comhét do gráidh
    334] fo mám Spirta glain,
    335] ní roloinge, ní chotla
    336] la túatha hi taig.
  21. 337] Ní raib serc mór hi[t] chridiu
    338] acht serc Dé nammá,
    339] [ar is] glan in corp dia téig,
    340] rob glan téis do á.
  22. 341] Dlige a chomal[n]ad in so
    342] hi sgriptúir fofúar,
    343] mad sacard his é a thechta
    344] ná rop tharmtheachtach trúag.

    Finit.

(23. N.10, fo. 85.)

  1. 345] Dia mba maccleirech fa mám,
    346] tapuir lám fri holc,
    347] bidh a ndligid ecuilsi
    348] gan laxa, gan locht.
  2. 349] Cen debi, cen mídúthracht,
    350] gan míguth fri nech,
    351] [cen gait], cen gói, gan golus,
    352] go forus is dech.

    3. p.320

  3. 353] Cen sainc[h]ron, cen indíri,
    354] cen maise, mór búaid,
    355] cen fodard, cen foiscenach,
    356] cen formad, cen úaill.
  4. 357] Cen cosnum, cen imt[h]oltuin,
    358] cen comoirb, cen ír,
    359] cen ingreim, cen sainmiscuis,
    360] cin luinde, cen brígh.
  5. 361] Cen merbe, cen derc[h]áinuth,
    362] cen toipliun, gan báais,
    363] cen diubuirt, cen utmaille,
    364] cen labra, cin láis.
  6. 365] Cen brath ne[i]ch, cen thsuntaige,
    366] cen cráes coilless cách,
    367] cen misci, cen rafáilti,
    368] cen báethlabra ngnáth.
  7. 369] Cen ratsocht, cen tairesiumh,
    370] co cet fri cach [n]gníom,
    371] cen indeirge uilc ar olc
    372] a corp criáudh críon.
  8. 373] Co n-umle, co n-áilgena
    374] fri hingnad, fri gnádh,
    375] co n-iris, co n-erlataidh,
    376] co ndéercc fri cách.
  9. 377] Ind-imnochta toltanach
    378] cen cáilti, cen claon,
    379] oc ernuide fochruice
    380] oc reilgib na naomh.
  10. 381] Co bféile, co bfedemla,
    382] co bfeidle fo mám,
    383] co ndéine, co ndillochta
    384] fri gach gním cidh sár.
  11. 385] Co n-ainmet, co ndiúiti,
    386] co cendsa fri cách,
    387] co ndiugrau, co n-irnaidhgi
    388] fri Críst in gach tráth.
  12. 389] Co forngaire fírinde,
    390] co fúagra gach clæein,
    391] co coibsinuiph leirmincuip
    392] do réir carud næeimh.
  13. 393] Co comét cos ocus lám
    394] súl[e] ocus clúas,
    395] beóil cride im gach gním
    396] is díor don Ríg túas.
  14. 397] Co foraithmet laithe mbáais
    398] is aircend do cách,
    399] co n-oaman na bithpéine
    400] a mbeither iar mbráth.
    15. {Ms page 80}
  15. 401] Fáilti fri cach fochuide,
    402] ainmne friu do grés,
    403] la himrádh[ud] muintire
    404] nime, naomdha in bés.
  16. 405] Airmide na senóra
    406] ocus beith dia réir,
    407] co forcetul ógdaine
    408] co lesach, co léir.
  17. 409] Guide ina coimdhíne,
    410] mór a dile dún,
    411] ná riret in dúileama[i]n
    412] ar deman ndaor ndúr.
  18. 413] Dílgudh do gach aonduine
    414] dorinde olc frind,
    415] a ngudh, i mbréithir, a ngníom
    416] timarnad Ríg rind.
  19. 417] Serc na nhí nonmiscnegat
    418] isan doman cé,
    419] maith dar ceand ar n-ingreamo,
    420] is ed timna nDé.