Corpus of Electronic Texts Edition
Beg mac Dé profetauit (Author: Unknown)
p.169
1Aus Harleian 5280, fo. 41b, YBL, S. 410 a und Add. 30, 512 fol. 19 a 2. Vgl. LB 260 a 52 ff.
Is mairg thairgeubhai a hairisne a luc tíri na n-Gáidhel .
- In mac n-díaid a athar a n-Ard Mauchai,
flaith móeth méth a n-hÍ Colaimm Chille,
cumscugud Bendchair,
derthach for ilathaib§
Deulbna a Clúain mec Nóis,
10] ár noimme Sinna fri hechtranda ,
sechtmísid Usnig nó Clúanai Fertai Brénaind,
fodercad dóini a m-Birra,
cocad etir ecailsib,
flaith Laigen cen cath,
15] óenguinid Cilli Darae,
coscrad ríaglai Lismóir hi flaith Óedáin Deirg,
da mhúr am Chorcaig a flaith Subne Uhic,
innred nÁirni fo dii,
Muma cin cosnumaidh nó cin comairlig,
20] Caisiul cen ríg íer n-dligidh,
daurthach for ilathaib,
flaithi claena cosmaili,
hilar m-brithemhan cen fhír,
díth flaithi ria n-dóerfhinib,
25] díth n-eculsa,
muiredach cecha mennata,
flaith fer n-dubgái,
bráthirse n-áilgen di imthecht,
p.170
ar bid olca itir iltúatha,
30] saeibrechta oc rígaib,
crábaid claena oc clérchib,
galra inganta,
lanna2 móra & crábaid begai hi suidib,
ecluss for cech n-imoiri,3
35] muilend for cech sruth,
hith hi tamnachaib,
blicht a n-gamnachaib,
sáith fir oc mac,
sáith con oc cat,
40] blicht cóeruch oc gabar,
blicht gabair i m-boin ,
indesai lána & cuiledai fása,
córaid amoig,
mindig a tigh,
45] druinech cechla bean ,
crecóir cechla fer,
bid cáith cách ,
bid feochair bríathrach amnus anumal cách,
ní ba gaeth neuch im leus a anmai,
50] bid belgach4 óibella,
flaith ainndíardha.
Cid dogéni fri cách Crísd isan aimsir sin?
haithbe do thoirthib,
nert do góethaib,
55] fúasnad do thonnaib mara,
crith forsna dúilib,
fubhai5 for rendaib,
grían a n-dorchaib,
ésci a fuil,
ilar sáitha§
60] tochuired n-demna,
p.171
indarba aingel,
aurslocud ifirn,
íadad flatha nimhe
imbed mac m-báis,
65] úaiti mac m-bethadh6,
bid imda mairg,
Mairg tairgébha airisne loc tíri na n-Gáidel fri díad m-bethadh.