Corpus of Electronic Texts Edition
Da brón Flatha Nime (Author: Unknown)
section 3
O tháiric dó sin uile . Fégaid sein a brithemnu, ar Crist, cia de as trommu a maith andá a olc ind fir-sea . Is truma a maith. Eirged iarom le a maith i n-óentaid aingel, or Críst . Do thaegat ind aingil ara cind, a l-láma fóena . 'Fochen duit', ar cach ; cucam-sa doraga, or araile. Is comthrom a maith & a h-olc dana ind fir-seo. Lenne a leth de-side
p.382
ar diabal. Ni etarscérthar ind anim, [...]ol Crist, ' oir [...] is treisiu mo cumachta -sa , ragaid lim-sa.' Is trummu dana a olc ind fhir-sea. Eirged de-side lá olc cosin muinter do-réga. Do-thíagat demna ara chind & ferait mi-fáelti fris . Ro-t-mairg, or seat; ro-t-bia mairg & imned. Do-béra imned do neoch, in dara fer cona durn, in fer aile cona shrogaill, araile oca guin co m-beraib & ic garigud immi. (Mairg immorro asroairli assa churp fessin in falti-sin Diabuil) . In tan immorro roscáig int etergléod-sa síl Adaim, is and at-bera Crist techt la diabul cona daescor slúag do neoch do-d-raega & rolái ina muinteras i n-iffernd cen nach forcend. At-reset iar sin & do-bérat a n-óengáir eisib occá tarraing do diabul luis i n-iffern.