Corpus of Electronic Texts Edition
Saltair na Rann (Author: Unknown)

poem 158

158.

{folio 40 a 1}
8177] Sessed lathi lordata
dia-haine, tolaib tuile,
doberthar inmormartra
ann forsil Adaim huile.
8181] Nichélat indécnaide,
leir adfiadat iarsrethaib,
atbélat ec etlaide
cachmil beo roblais bethaid.
8185] Bidbronach, bidbrainechda,
cruachda focherdaib casrach:
nibaglorach graigechda
luarda colerggaib lasrach.
8189] Oslaicfitir coemdoirsi
richid ranmair cenbine,
domun conachoemsoillsi
fortuigthir arbair nime.
8193] Nanoeb isindnoebaingil
isindlassair lúaith lethain,
atsoer imcachcoemchaingein
amal iasc bis hitrethain.
8197] IArndul acrí chaingnide
coCrist caid fordoi dessel,
bithoentu achaiblide
cengoi madchin rosessed.
Sessed lathi lordata.