Corpus of Electronic Texts Edition
Saltair na Rann (Author: Unknown)
poem 154
154.
8053] Isindlathiu tánaissi
dia-luain luaidfiter arbair,
nidatairdi aniussa
crithnaigfid nem imthalmain.
8057] Tonna saile sétaigfit
frisnahairera ardda,
biasta bledmaill beccaichfit,
fochichret gaire garga.
8061] Guba granne golgaire,
cui cencheol, garg angretha,
cenaine, cenforngaire,
fochethri ardda inbetha.
8065] Bethu bronach belgaide,
censid, censláine suba,
drong togach condedgaire
iarndith fortrágaib duba.
8069] Truaga dini domblassa,
bergga conbenfat bassa,
nisuan sidi somblassa,
lergga conlínfat lassa.
8073] Ferad cach aneimele
friDia, din asdaithiu,
friar Coimdid congelféle,
ararsoerad 'sindlaithiu.
ISsindlaithiu tánaise.