Corpus of Electronic Texts Edition
Saltair na Rann (Author: Unknown)
poem 152
152.
7825] Nimtha saegid forDia ndron
con-ilur mod medar nglan,
condarcuiri arcrichid ngel,
ruiri reb richid romchar.
7829] Relat triarintriuchta (?) ráid,
áes indintliuchta áin ém,
iarfinnalta frisid sloig
inganta móir morig réil.
7833] Retha gaissi canar lib
cotibgaib cenbaisse blad,
dána cenecla nachneich,
slana iarsreith ecna corath.
7837] Coniarfus duib, duraib eim,
ni dorunaib moríg réil,
gleod cachcesta uair daruair,
leor buaid diafesta doleir.
7841] Denaid friartarba cenchrith,
amra rith relaid iarsreith,
nadibleisc linib run raith,
tur daith forcachceist foleith.
7845] Cia 'cata, iarnglé doléir,
dála De diareir rothúir,
ciamét naree, reim n-uag,
robui inri ruad riacachdúil.
7849] Cia dorat comairli coir
cenbríg mbroin dondrig hiruin,
riasiu nobeth bith ochein,
siu dogneth rí reil cachnduil.
7853] Siudognetis aingil uais
artuais cechcaingil iarséis,
siu nobetis moini arbes
nagres nadoine fondeis.
7857] Nariched natalam tir,
namuir mil met magar muad,
no nachdúil glanglanna cél
nem nél no anmanna úag.
7861] Cia rochuimnig domrig rain
cengrain cordascuibdig fein,
cech duil derb frisoerbuaid slain
rosdelb frioenuair diaréir.
7865] Cia adbar adbal infess
diacess inbith bladmar brass,
incuman lib arcachn-ai
ciabunad diambai inmass?
7869]
Heisse rotheipi cech nduil
p.116
iarruin rosleice87 diaréir,
inrí doruasat cechcri,
int-uasabb rogni ingréin.
7873] Cia rolin dosilaib bith
dolubaib lígaib cenchleith,
cia rodelb friathuil andath,
ciarath forcachluib foleith?
7877]
Cia rosdechraig innacri,
cia rosgni iarcechraig gleo,
cia cruthaig glanglanna clú
nadu nachn-anmanna beo?
7881]
Bunad anman lib ingle
congaib gne glanbda col-lí,
ciacinn cenbaegul riangein,
saegul sein cechduini bí?
7885]
Cia 'cata indarim úag
fil forsluag sil Adaim áin,
{folio 39 b 1}cia 'coata, cendánim duib,
árim nguir ganim cechtraig?
7889]
Ónchetna duini robúi,
etir fer ismnái col-lí,
fordomun dérgidach Dé
gle cosndedinach atchí.
7893] Crícha aicgein airm itát,
aicbeil imrat, rígda inset,
cose nirosfoillsig mori
doneoch icrí rianaéc.
7897] Cid canat tonna, toirm trén,
cennachlén lonna fritóir,
congaibet gala, crech ngúr,
cachleth darmúr mara móir?
7901]
Can tic tuili trethan tuaircc
lethan cuairdd fobetha barcc,
cialeth fondomun rotháig
intan astráig forcachtracht?
7905]
Cialín nasluag, srethaib drong,
dosceil tonn muad mara mind,
ceti arbair trebait ann
dondleith tall dontalmain tinn?
7909]
Fillit anglúni cognath
cechtrath cennachndúiri dréil,
molad marcharait cohóg
canait cechslog dondríg réil.
7913] Cid roleth bith, brigach cuaird,
cid dogni suairc sirach set,
isindaidchi fririad reb,
ocus grian gel cidimthet?
7917]
Ocus esca cid dodfeim
tan doceil nachngesca nglan,
cid dogni cithu gaeth cain,
cid nachgaim triabithu sam?
7921]
Cialin naretlann adrann
mod mall friarim oscech dind,
rethait rithrosc iarsetsain,
cidcotasgaib na sechtrind?
7925]
Cia de ismo messar combuaid
infail uaib rofessad iarfír?
aer alad, ilar neil,
nó intalam tren trebach tír?
7929]
Cia de islethiu domun dúr
no isdoimniu amúr, monur muad,
ciaso baili ata incrann
lethas barr daraer n-úar?88
7933]
Cid 'mifoilngi torann tren
cenlen lin abarann mbúan,
argair cechn-ahél athrial
sair, siar, isinaher n-úar?
7937]
Cia criathras usce n-an, n-uais,
iarluais forcach n-iathmass n-éis,
cia roalt crotha dogres
dorat bes forsrotha séis?
7941]
p.117
Cairm itat adbai nangaeth
baeth balnai imrát fricachmbruach?
neoil indaeoir, noithech bes,
cid doib dogres bid forluad?
7945]
Cialin nangaeth carait nual?
ciabrig buan canait friimluad?
ciadechair fail dararath?
ciadath ata forcachgaeth?
7949]
Congili cinnas atat
na secht nimi noebda cuaird?
cid dosgni fostaib cenbet?
ciamet fil 'nasostaib suairc?
7953]
Cia 'coata tomus inchlair
richid rain friforus fír?
cia doroemadair ochein
diareir coemchathir indRig?
7957]
Cade lín atheglaig lib
rosdedlaig Dia dil diathreib,
indfir rodelb betha brig
indrig robái rianagein?
7961]
Tuirmid triariagla, rét reil,
ciamét bliadan cobrath mbúan,
tuirid lib triabescna bríg
ciahaes esca forsindlúan.
7965] Can dodechamar ille
forbith ché chetarchair gle,
infitir forcialbann clú
ciadú cosatiagam dé?
7969]
Acht arnDia, derb centair,
rondelb riandail domuin dúir,
'coarflaith cenguasacht, cencrich,
'coarrig donRuasat cechndúil?
7973]
Cia rogni cech n-uili n-uag
lethan luad fribuidi mbríg,
acht monoebrí donim nél
arn-oenDia trén, ishé arndil.
7977] IS he doruasat cechret
cenbet, arn-uasabb, nadbrec,
rí rosmacht foraessu ec
iarset rochacht gaessu Gréc.
7981] Cometaid cenecla agáis
ecna cenbaes oibind bes,
doneoch dorucai morí
bec dofucaid ni diagrés.
7985] Tairinnid formbréthir móir,
atibtroig treithfir fondríg,
{folio 39 b 2}ennga huimli duib lagáis,
nabid forbáis nofribrig.
7989] Nabagaid ahecnu uag
nual cenecla crabuid gúir,
lib niderb osbetha bríg
retha indríg rodelb cachndúil.
7993] Truag formbith fodorchaib trel
forfeb fothomthaib Dé dil,
ingnassaib garbdai cechcin
nidatglain forn-adbai hil.
7997] Hili huili dúili Dé,
dili druini dreim asmá,
iarnacáintuistin foleith,
coemthuicsin cachneich nimtha.
Nimtha.
8001] Ni hetraigim rúna Dé,
gle nisteclaigim frimla,
firthuicsi rig bethad bí,
anhed beo hicri nimtha. Nimtha.
8005] Ni naderna sen nasúi
nadrúi nisderbai bamá
ciapsat guir fricrabud nglé
túir fordalaib Dé nimtha. Nimtha.
8009] ISme Oengus céle Dé,
coemdos gle clere fodchna,
diathuicthib deimnib De
tuicsin forcachní nimtha. Nimtha.
8013] Morí corunib, cain clú,
p.118
cachdu diaduilib ata osbith,
balcc bladmar
[...]
frimre
acht adrad frimre nimtha. Nimtha.