Corpus of Electronic Texts Edition
Saltair na Rann (Author: Unknown)

poem 149

149.

{folio 39 a 1}
7697] Ri dorigne triacheill nglain
humalloit diaapstalaib
india dardain, foglóir gle,
riacaisc móir nahésserge.
7701] Ri robennach tuara doib
imtrath nóna fochétóir,
dian-ebairt friuu triarath,
robui nech díb 'coaglebrath.
7705] Ri roraidi friu cogle
forgal febda firinne:
'nech uaib tic arthus donméiss
ishé ata fordrochséis.'
7709] IArsin dochuaid Iudas ass
con-ilur mbriathar foglas,
commairni aríg, bagnim trait,
archuic ungaib dec argait.
7713] Ri roraidi friu cocert
frisinslóg bái 'nachoemthecht:
'scailfidir intret coglé
innocht immonn-oegaire.'
7717] IArsin asbeir Petur bán
ocus aétan frilár:
'ní nomscarad friCrist cain
nifil innim notalmain.'
7721] Ri roraidi athesc n-uag
friPetur fiadinmorsluag:
'nomdiultfa fothrí triachleth
riasiu gaires incailech.'
7725] Inri rodasalt sunn sel
fritinchosc, friforcetel,
roraid friu triacomrad cain:
'bid forcomdal inGalail.'
7729] Cuaird nime imchlar betha bind,
suairc slan frisretha soérgrinn,
gnim centathair taidbrit bi,
morí rachain dorigni.
Ri dorigni triacheil nglain.