Corpus of Electronic Texts Edition
Saltair na Rann (Author: Unknown)

poem 144

144.


7529] Ri Rogenair, ni bine,
domulluch nahIngine:
réil doraittni oscechrainn,
rian-Enair, in-ocht kallainn.

p.111


7533] Ri diar-rochet, cain caingen,
class angel isarchaingel,
sid dodoenaib oscechbruig,
indocbail Dé uasnemdaib.
7537] Rí roruithnig rétlaind ráin
riasnadruidib 'nachomdail,
diatucsatar leo lith lor
mirr ocus tuis isdergór.
7541] Rí bái imBethil, buaid becht,
ruc reim techid in-Egept,
diambai inteduar oscechmaig,
diar'hort Heruad inmaccraid.
7545] Rí tucad aness81 iartain
oshunn rohort indarggain,
cor'alt iarsain, bagnim gle,
inNazáreth Galaile.
7549] Rí dessid, nitlaith atlí,
eterscribae isfarsaidi,
foraiarair, triamain triath,
diambai Maire ocusIosiab.
7553] Rí roimchomairc, mor scel,
dosruithib mac n-Israhél,
rí dorat mor cesta ngle
forsuidib rechta Moise.
7557] Rí romol Semeon bacoir,
diambái iconglanaltóir,
diatuargaib foradílaim,
ardruire nimi noebnáir.
7561] Rí dorat forngaire trén
forsruth n-amra n-Iordanén,
conarogluais, clú cengeis,
inhed rombas 'conbatheis.
7565] Rí tarrasair fiadintslog
moruiri fírmaith finnmór,
forsndessid inSpírut Noeb
laforggal Fiadat fírsaer.
7569] Mac Dé, Dia deoda cechthan,
baoen, batréoda derbglan,
nihé inforuallach friagair,
ri robúadach rogénair.
Rí rogenair, ni bine.