Corpus of Electronic Texts Edition
Saltair na Rann (Author: Unknown)
poem 142
142.
7485] Macc Zachair sainsercc intslúaig
glainelcc cenmbathail mbithbuaid,
mac Elizafeth, sid nglé,
remthectaid ríg noemnimé.
7489] IOhain Babtaist, blaith ingein,
baremthechtaid Crist coemdil,
rosluind doMaire mormiad
diambai imbroind Elizafiad,
7493] Diatanic Maire, mor míad
dofis scel Elizafiad,
diaraid ria cenchaire cath
Maire máthair inChoimded.
7497] Hua Iobe cenathis cinn
dorinnscan bathis mblaith bind,
gleoir indógraith óscechdáil
Iohain mórmaith mac Zacháir.
Mac Zacháir sainsercc intslúaig.