Corpus of Electronic Texts Edition
Saltair na Rann (Author: Unknown)

poem 137

137.


7273] Ri thuc doib ilar luba
triathalmain ahimthuga,
forberat uili immalle,
ciatecsamla itcosmaile.
7277] Sain ní diafognai cechluib
dosrósat Dia diadegthoil,
sasait, sergait, línait blait,
ícait, bethaigait, marbait.
7281] Ri rosfaillsig foriagail
friataidbsin cechoenblíadain,
folígdath frididnad suth,
fricrínad, frihurugud.
7285] Brechtrad cechdatha foli
clechtmaith dosrigni int-ardri,
dath amlaid fricetlud nglan
nibái foretgud Solman.
7289] Adamra indrig naruam rath,
nimtha luad aran-ilar,
atlíu luibni fidbad fann
noruibni rinndglan retglann.
7293] Rí dosrergaib osbith balcc
friserggad, friinforbart,
nignath imbruc oscechtreib,
congrad dofuc dooib.
Rí tuc doib ilar luba.