Corpus of Electronic Texts Edition
Saltair na Rann (Author: Unknown)
poem 136
136.
7253] Ri roeirn78 doib dál triarath,
cidhed aman bahingnad,
dosíl Adaim, gradaib cruth,
cosmailius cosainigud.
7257] Doalmaib airbrib fonéim,
doénaib aidblib aéir,
dobíastaib bit cenblaid,
dohiascaib snait isrothaib.
7261] Dodechraib gotha nan-én
ocus acrotha comthrén
p.107
doberlaib cechmil bladmair,
dian-ergnaib, dian-iladbaib.
7265] Glé nihinunn seis nasmacht,
gne, nahintliucht, na admat,
naberla, naciall, nacruth,
nahergna no horddogud.
7269] Rí rodasgni, gnim glanna,
ildelba nan-anmanna,
ri congrad cenchredim cain,
morí ran roheirn dooib.
Ri roeirn doib dál triarath.