Corpus of Electronic Texts Edition
Saltair na Rann (Author: Unknown)

poem 134

134.


7193] Rí doraraic doib mór slúag
fogradgreit echtrann nadrúad,
forro congbgail cherta

p.106

dodígail atarmthechta.
7197] Ri rodatriall, tolaib drong76,
fairne fían fortren, fortromm,
lín armach, censíl n-etla,
dodamnad am-morphectha.
7201] Rí dosrat fogailib gail,
fodairib, fothromdiglaib,
fosolaig cengrad, cengloir,
brónaig imbrait Babiloin.
7205] Secht míli trénfer fritóir
ructha imbrait mBabilóin,
ocusmíli, mét cachta,
doaes cachahintliuchta.
7209] Deichmíli fer ferdais nual
ised rombai 'sinmórslúag,
cenmná, cenmacu folli,
cenaes ndán, ceniunachi.
7213] Rí tarccacht bith mbladmar mbras
rosmacht cechn-adbar n-amnas,
congaib iarsiraib seircc77,
rí corigaib doraraic.
Rí doraraic doib mór sluag.