Corpus of Electronic Texts Edition
Saltair na Rann (Author: Unknown)
poem 133
133.
7165] Diambennach Helesius lor
mellach fricobair coemslog,
bec d'olai glannai bái is'treib
connárothallai il-lestraib.
7169] Oenmac mná, batoirm truagi,
bamarb dobidc oenúaire,
atraracht abrath, beirt pían,
óshunn tanic Helesíam.
7173] Dorigni firt n-amra n-uag
Helesius fiad inmorsluag,
claimi Nemain doreir De
luid75 agledail forGesse.
7177] Bafinbert Helessi lain
ocimthecht iartír Dathain,
frinuall n-angel cenmailli
bainsluag dolándailli.
7181] Incorp roláad, luad nglé,
forlige lór Helessé,
atraracht cencheo, gním cóir,
amal bidbeo fochetóir.
7185] O shunn cái Helessius arcel
eternoebu fornoebnem,
bafergach friu Dia donim
artharmthecht daratimnaib.
7189] Fedb rogáid cofobaid fial
acobair forHelessiam,
indola glé, gleoir corath,
isdodeóin Dé rosbennach.
Diambennach Helessius lór.